రే-బ్యాన్ స్మార్ట్ గ్లాసెస్‌కు మెటా కొత్త ప్రైవసీ అప్‌డేట్..

రే-బ్యాన్ మెటా స్మార్ట్ గ్లాసెస్ కోసం మెటా తప్పనిసరి సాఫ్ట్‌వేర్ అప్‌డేట్‌ను విడుదల చేసింది. గ్లాసెస్‌లో ఫోటోలు లేదా వీడియోలు రికార్డ్ చేస్తున్నప్పుడు వెలిగే ఎల్ఈడీ ప్రైవసీ ఇండికేటర్‌ను కొందరు వినియోగదారులు పనిచేయకుండా మార్చేస్తున్నారనే ఆందోళనల నేపథ్యంలో ఈ నిర్ణయం తీసుకుంది. కొత్త అప్‌డేట్‌తో ఎల్ఈడీ లైట్ దెబ్బతిన్నట్లు లేదా మార్పులు చేసినట్లు గుర్తిస్తే కెమెరా పూర్తిగా పనిచేయకుండా ఆటోమేటిక్‌గా నిలిపివేయబడుతుంది.

మరోవైపు, ఎప్పుడూ పరిసరాలను గుర్తించే "సూపర్ సెన్సింగ్" ఏఐ స్మార్ట్ గ్లాసెస్ అభివృద్ధిపై కూడా మెటా పని చేస్తున్నట్లు నివేదికలు వెల్లడిస్తున్నాయి. ఈ గ్లాసెస్ కెమెరా, మైక్రోఫోన్‌ల ద్వారా పరిసరాలను అర్థం చేసుకుని వస్తువులను గుర్తించడం, సమాచారాన్ని గుర్తుంచుకోవడం, వినియోగదారులకు సందర్భానుసారంగా సహాయం చేయడం వంటి ఫీచర్లను అందించనున్నట్లు తెలుస్తోంది. అయితే ఈ ఫీచర్ల సమయంలో ప్రైవసీ లైట్‌ను యాక్టివ్ చేయకపోవచ్చనే వార్తలు గోప్యత, సమ్మతి అంశాలపై కొత్త చర్చకు దారితీశాయి.