ఇండియాలోనే అత్యంత ధనిక కుటుంబంగా అదానీ ఫ్యామిలీ

2026 M3M హురున్ ఇండియా రిచ్ లిస్ట్‌లో గౌతమ్ అదానీ, ఆయన కుటుంబం మరోసారి అగ్రస్థానాన్ని దక్కించుకుంది. గత ఏడాది కంటే అదానీ కుటుంబ సంపద 13 శాతం పెరగడంతో మొత్తం సంపద ₹9.23 లక్షల కోట్లకు చేరినట్లు నివేదిక వెల్లడించింది. దీంతో గతంలో అగ్రస్థానంలో ఉన్న ముకేశ్ అంబానీ కుటుంబాన్ని అధిగమించి అదానీ కుటుంబం మొదటి స్థానానికి చేరింది.

ముకేశ్ అంబానీ, ఆయన కుటుంబం ₹8.63 లక్షల కోట్ల సంపదతో రెండో స్థానంలో నిలిచింది. గత ఏడాదితో పోలిస్తే వారి సంపద 10 శాతం తగ్గినట్లు జాబితా పేర్కొంది. మరోవైపు లక్ష్మీ నివాస్ మిట్టల్ కుటుంబం భారీగా 93 శాతం సంపద వృద్ధిని నమోదు చేసి ₹3.39 లక్షల కోట్లతో మూడో స్థానానికి చేరింది. ముఖ్యంగా ఆర్సెలర్‌మిట్టల్ కుటుంబ సంపదలో వచ్చిన గణనీయమైన పెరుగుదల ఇందుకు ప్రధాన కారణంగా నిలిచింది.