బీజేపీలో కీలక నియామకాలు.. రాష్ట్రాల వారీగా కొత్త బాధ్యతలు

భారతీయ జనతా పార్టీ రాష్ట్రాల వారీగా కొత్త ఇన్‌చార్జ్‌లు, సహ ఇన్‌చార్జ్‌లను నియమించింది. ఉత్తరప్రదేశ్‌కు వినోద్‌ తావ్డే ఇన్‌చార్జ్‌గా కొనసాగుతుండగా.. ఆయనకు సహ ఇన్‌చార్జ్‌లుగా జగదీశ్‌ పటేల్‌, మేధా కులకర్ణి, ప్రదీప్‌ వర్మ, అనంత్‌ ఓజా బాధ్యతలు చేపట్టనున్నారు. ఉత్తరాఖండ్‌, తమిళనాడు ఇన్‌చార్జ్‌గా రామ్‌ మాధవ్‌, పశ్చిమ బెంగాల్‌, తెలంగాణ ఇన్‌చార్జ్‌గా సునీల్‌ బన్సల్‌ను నియమించినట్లు పార్టీ ప్రకటించింది. ఈ నియామకాలు బీజేపీ చేపట్టిన సంస్థాగత పునర్వ్యవస్థీకరణలో భాగంగా వచ్చాయి.

కర్ణాటక, బిహార్‌ ఇన్‌చార్జ్‌గా హరీశ్‌ ద్వివేది, ఛత్తీస్‌గఢ్‌, హరియాణా ఇన్‌చార్జ్‌గా స్మృతి ఇరానీ, ఢిల్లీ బీజేపీ ఇన్‌చార్జ్‌గా వినయ్‌ సహస్రబుద్ధే నియమితులయ్యారు. గుజరాత్‌ బాధ్యతలను తరుణ్‌ చుగ్‌, హిమాచల్‌ప్రదేశ్‌ బాధ్యతలను శ్రీకాంత్‌ శర్మకు అప్పగించారు.