హెచ్‌డీఎఫ్‌సీ రేట్ల సవరణ.. పెరగనున్న ఈఎంఐలు!

హెచ్‌డీఎఫ్‌సీ బ్యాంక్‌ తన మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేట్ (MCLR)ను పలు కాలపరిమితులపై 5 నుంచి 10 బేసిస్ పాయింట్ల వరకు పెంచింది. సవరించిన కొత్త రేట్లు జూన్ 8, 2026 నుంచి అమల్లోకి వచ్చాయి. ఈ మార్పు ఎంసీఎల్‌ఆర్‌ ఆధారిత రుణాలు తీసుకున్న ఖాతాదారులపై ప్రభావం చూపనుంది.

దీంతో ఎంసీఎల్‌ఆర్‌కు అనుసంధానమైన గృహ, వ్యక్తిగత, వాహన రుణాల కస్టమర్లు రాబోయే రీసెట్‌ కాలంలో అధిక ఈఎంఐలను చెల్లించాల్సి వచ్చే అవకాశం ఉంది. బ్యాంకు తాజా నిర్ణయంతో కొంతమంది రుణగ్రహీతలపై ఆర్థిక భారం పెరగనుంది.