గుంటూరులో వర్షాల తర్వాత భానుడి భగభగలు..

గుంటూరు జిల్లాలో వాతావరణ పరిస్థితులు ఒక్కసారిగా మారిపోయాయి. ఇటీవల మూడు రోజుల పాటు భారీ వర్షాలు కురిసిన అనంతరం.. మరుసటి రోజు నుంచే ఎండలు తీవ్రరూపం దాల్చాయి. సోమవారం భానుడి ప్రతాపంతో ప్రజలు ఇబ్బందులు ఎదుర్కొన్నారు. సూపర్ ఎల్‌నినో ప్రభావంతో వాతావరణంలో భిన్నమైన పరిస్థితులు నెలకొంటున్న నేపథ్యంలో.. వర్షాల తర్వాత ఒక్కసారిగా వేసవి తరహా వాతావరణం కనిపించడం చర్చనీయాంశంగా మారింది.

ఎండ తీవ్రత నేపథ్యంలో గుంటూరు జిల్లా కలెక్టరేట్‌లో పీజీఆర్‌ఎస్‌ కార్యక్రమానికి వచ్చిన అర్జీదారులకు అధికారులు ఉపశమనం కలిగించేలా ప్రత్యేక ఏర్పాట్లు చేశారు. శిబిరాల్లో కూలర్లు ఏర్పాటు చేయడంతో పాటు 400 మందికిపైగా అర్జీదారులకు మజ్జిగ పంపిణీ చేశారు. వాతావరణ పరిస్థితులు వేసవిని తలపిస్తుండటంతో ప్రజలకు ఇబ్బందులు కలగకుండా ఈ చర్యలు చేపట్టారు.