దాడులకు భయపడను: పప్పు యాదవ్

బీహార్‌కు చెందిన ఎంపీ పప్పు యాదవ్‌పై ఢిల్లీలో దాడికి యత్నం జరిగింది. తన నివాసంలో నిర్వహిస్తున్న విలేకరుల సమావేశం సమయంలో ఓ వ్యక్తి కత్తితో దాడి చేసేందుకు ప్రయత్నించినట్లు సమాచారం. అప్రమత్తమైన పప్పు యాదవ్ అనుచరులు ఆ వ్యక్తిని పట్టుకుని అడ్డుకున్నారు. అనంతరం పోలీసులు ఘటనపై స్పందించి అనుమానితులను అదుపులోకి తీసుకున్నారు.

ఈ ఘటనపై పప్పు యాదవ్ స్పందిస్తూ, ఇలాంటి బెదిరింపులకు తాను భయపడనని తెలిపారు. ఎవరైనా తనను హత్య చేయాలని భావిస్తే తనను చంపనివ్వండి, కానీ ప్రజల కోసం తన పోరాటం కొనసాగుతుందని పేర్కొన్నారు. దాడి ఘటనపై పోలీసులు దర్యాప్తు ప్రారంభించారు.