హిమాచల్‌లో డ్రోన్ తపాలా సేవలు ప్రారంభం

హిమాచల్ ప్రదేశ్‌లోని అత్యంత ఎత్తైన మరియు దుర్భరమైన కొండ ప్రాంతాల్లో నివసించే ప్రజలకు వేగవంతమైన తపాలా సేవలు అందించేందుకు భారత తపాలా శాఖ డ్రోన్ టెక్నాలజీని అందుబాటులోకి తెచ్చింది. దూర ప్రాంతాల్లో తపాలా సేవలను మరింత సులభతరం చేయడమే ఈ ప్రాజెక్ట్ ప్రధాన లక్ష్యంగా పేర్కొనబడింది.

హిమాచల్ ప్రదేశ్ మండీ జిల్లాలో తొలిసారిగా నిర్వహించిన డ్రోన్ పోస్టల్ డెలివరీ ట్రయల్స్ విజయవంతమయ్యాయి. ఈ విషయాన్ని కేంద్ర మంత్రి జ్యోతిరాధిత్య సింధియా సోషల్ మీడియా ద్వారా పంచుకున్నారు. మారుమూల ప్రాంతాలకు తపాలా సేవలను మరింత చేరువ చేయడమే లక్ష్యమని ఆయన తెలిపారు.