శ్రీనగర్‌ ఎయిర్‌పోర్టులో ఇండిగో విమానానికి ప్రమాదం..

శ్రీనగర్‌ విమానాశ్రయంలో ల్యాండింగ్‌ సమయంలో ఇండిగో విమానానికి అనుకోని ఘటన ఎదురైంది. ల్యాండింగ్‌ ప్రక్రియలో విమానం ఓ స్తంభాన్ని ఢీకొట్టినట్లు సమాచారం. ఈ ఘటనతో విమానాశ్రయంలో అప్రమత్తత నెలకొంది. వెంటనే భద్రతా చర్యలు చేపట్టిన అధికారులు, విమానం పరిస్థితిని పరిశీలిస్తున్నారు.

అయితే ఈ ఘటనలో విమానంలోని ప్రయాణికులు, సిబ్బంది సురక్షితంగా ఉన్నారు. ఎలాంటి ప్రాణనష్టం జరిగినట్లు సమాచారం లేదు. విమానానికి ఎంతమేర నష్టం వాటిల్లింది, ఘటనకు అసలు కారణం ఏమిటన్న దానిపై అధికారులు, ఇండిగో నుంచి మరింత సమాచారం రావాల్సి ఉంది.