ఇథనాల్ మిశ్రమంపై జపాన్ కొత్త ప్రణాళిక

ప్రస్తుతం జపాన్‌లో పెట్రోల్‌లో సుమారు 1.7 శాతం ఇథనాల్ మిశ్రమాన్ని ఉపయోగిస్తున్నారు. దాన్ని దశలవారీగా పెంచుతూ 2030 నాటికి E10, 2040 నాటికి E20 ఇంధన మిశ్రమాన్ని అమలు చేయాలని ప్రభుత్వం లక్ష్యంగా పెట్టుకుంది. అలాగే దేశవ్యాప్తంగా అమలు చేయడానికి ముందు 2028లో పరిమిత స్థాయిలో E10 పైలట్ ప్రోగ్రామ్‌ను నిర్వహించనుంది.

వాహనాల అనుకూలత, ఇంజిన్ మరియు ఫ్యూయల్ సిస్టమ్ భద్రతను దృష్టిలో పెట్టుకుని ఈ నిర్ణయం తీసుకుంది. అలాగే ఇంధన సరఫరా సంస్థలు నిల్వ, పంపిణీ వ్యవస్థలను ఆధునీకరించుకునేందుకు సమయం కల్పించడమే ఈ ప్రణాళిక ఉద్దేశం. దశలవారీ అమలు ద్వారా ఇప్పటికే రోడ్లపై ఉన్న వాహనాలకు ఎలాంటి పనితీరు లేదా నిర్వహణ సమస్యలు తలెత్తకుండా చూడాలని జపాన్ భావిస్తోంది.