జూబ్లీహిల్స్ సీఐ ముత్తు యాదవ్ సస్పెండ్

హైదరాబాద్‌లోని జూబ్లీహిల్స్ పోలీస్‌స్టేషన్ ఇన్‌స్పెక్టర్ ముత్తు యాదవ్‌పై ఉన్నతాధికారులు సస్పెన్షన్ వేటు వేశారు. మాజీ మంత్రి కొండా సురేఖ మాజీ ఓఎస్‌డీ సుమంత్‌కు సంబంధించిన వ్యవహారంలో విధి నిర్వహణలో నిర్లక్ష్యం వహించినట్లు ఆరోపణలు రావడంతో ఈ చర్యలు తీసుకున్నట్లు సమాచారం.

కేసులో ఎఫ్‌ఐఆర్ నమోదు చేయడంలో అలసత్వం వహించడంతో పాటు, సుమంత్‌ను పట్టుకునే విషయంలో నిర్లక్ష్యంగా వ్యవహరించినందుకు ఇన్‌స్పెక్టర్‌పై చర్యలు తీసుకున్నట్లు తెలుస్తోంది. కాగా, ముత్తు యాదవ్ మూడు వారాల క్రితమే జూబ్లీహిల్స్ ఇన్‌స్పెక్టర్‌గా బాధ్యతలు స్వీకరించారు.