రేపు తెలంగాణ అసెంబ్లీలో కీలక బిల్లులు ప్రవేశపెట్టనున్న ప్రభుత్వం

తెలంగాణ అసెంబ్లీ సమావేశాలు రేపు ఐదో రోజు కొనసాగనున్నాయి. ఉదయం 10 గంటలకు సమావేశాలు ప్రారంభం కానుండగా, రాష్ట్ర ప్రభుత్వం పలు కీలక బిల్లులను ప్రవేశపెట్టనుంది. ముఖ్యమంత్రి కోర్ అర్బన్ రీజియన్ బిల్లుతో పాటు మున్సిపాలిటీల నాలుగో సవరణ బిల్లును అసెంబ్లీలో ప్రవేశపెట్టనున్నారు.

ప్రజా విశ్వాసం నిబంధనల సవరణ బిల్లును మంత్రి శ్రీధర్‌బాబు ప్రవేశపెట్టనున్నారు. అలాగే జనగణనలో బీసీ, ఓబీసీల అంశంపై స్వల్పకాలిక చర్చ జరగనుంది. విద్యారంగ కార్యక్రమాలపై కూడా మరో స్వల్పకాలిక చర్చ చేపట్టనున్నారు. దీంతో రేపటి అసెంబ్లీ సమావేశాలు కీలకంగా మారనున్నాయి.