శ్రీవారి దర్శనానికి భారీ నిరీక్షణ

తిరుమల శ్రీవేంకటేశ్వర స్వామి దర్శనానికి భక్తులు ప్రస్తుతం సుమారు 12 గంటలు వేచి ఉండాల్సి వస్తోంది. శుక్రవారం సాయంత్రం 4 గంటల వరకు అందిన సమాచారం ప్రకారం, వైకుంఠం క్యూ కాంప్లెక్స్ 2లోని 31 కంపార్టుమెంట్లు, నారాయణగిరిలోని తొమ్మిది షెడ్లు సర్వదర్శన భక్తులతో పూర్తిగా నిండిపోయాయి.

భక్తుల రద్దీ కారణంగా క్యూ లైన్ శిలాతోరణం ఆలయ సర్కిల్ వరకు విస్తరించింది. అలాగే టైమ్‌స్లాట్ దర్శనం కోసం వైకుంఠం క్యూ కాంప్లెక్స్‌లోని ఆరు కంపార్టుమెంట్లలో భక్తులు వేచి ఉన్నారు. తిరుమలలో భక్తుల రద్దీ కొనసాగుతోంది.