వరల్డ్‌స్కిల్స్ షాంఘై–2026లో తెలంగాణ యువత సత్తా..

చైనాలోని షాంఘైలో జరిగిన వరల్డ్‌స్కిల్స్ కాంపిటీషన్–2026లో తెలంగాణ యువత ప్రతిభ చాటింది. లాజిస్టిక్స్ అండ్ ఫ్రైట్ ఫార్వార్డింగ్ విభాగంలో మెహ్రున్నిసా బేగం సిల్వర్ మెడల్ సాధించగా, క్యాబినెట్‌మేకింగ్ విభాగంలో యశ్వంత్ చారి కేశోజు మెడల్ ఫర్ ఎక్సలెన్స్ అందుకున్నారు. ఈ పోటీల్లో భారత్ ఆరు సిల్వర్ మెడల్స్, 20 మెడల్స్ ఫర్ ఎక్సలెన్స్‌తో 10వ స్థానంలో నిలిచింది.

షాంఘైలో జరిగిన ఈ అంతర్జాతీయ పోటీల్లో భారత్ తరఫున 70 మంది పోటీదారులు 63 నైపుణ్య విభాగాల్లో పాల్గొన్నారు. 2024లో లియోన్‌లో జరిగిన వరల్డ్‌స్కిల్స్ పోటీల్లో 13వ స్థానంలో నిలిచిన భారత్.. ఈసారి 10వ స్థానానికి చేరుకుంది. తెలంగాణ యువత సాధించిన ఈ గుర్తింపు రాష్ట్రంలో నైపుణ్యాభివృద్ధి, ఆధునిక శిక్షణ, పరిశ్రమల అనుసంధానం, అంతర్జాతీయ ప్రమాణాలపై మరింత దృష్టి పెట్టాల్సిన అవసరాన్ని తెలియజేస్తోంది.