పాత డీజిల్ బస్సులను ఎలక్ట్రిక్‌గా మార్చనున్న TGSRTC..

కాలుష్యాన్ని తగ్గించడంతో పాటు ప్రజా రవాణా వ్యవస్థను మరింత మెరుగుపరిచే లక్ష్యంతో తెలంగాణ రాష్ట్ర రోడ్డు రవాణా సంస్థ (TGSRTC) చర్యలు చేపడుతోంది. క్లీన్ ఎనర్జీ ప్రోత్సాహంలో భాగంగా ప్రజా రవాణాను క్రమంగా ఎలక్ట్రిక్ వాహనాల వైపు మళ్లించాలని నిర్ణయించింది. ఇందులో భాగంగా పాత డీజిల్ బస్సులను ఎలక్ట్రిక్ బస్సులుగా మార్చే ప్రక్రియను ప్రారంభించింది. ‘రెట్రోఫిట్’ పేరుతో చేపడుతున్న ఈ కార్యక్రమం ద్వారా ముఖ్యంగా హైదరాబాద్ నగరంలో వాహన కాలుష్యాన్ని తగ్గించాలని సంస్థ లక్ష్యంగా పెట్టుకుంది.

ఈ కార్యక్రమాన్ని దశలవారీగా అమలు చేయాలని ఆర్టీసీ యాజమాన్యం భావిస్తోంది. పాత డీజిల్ బస్సులకు కొత్త రూపునిస్తూ వాటిని విద్యుత్ బస్సులుగా అందుబాటులోకి తీసుకురావడంతో పాటు ప్రయాణికులకు ఆధునిక సౌకర్యాలు కల్పించడంపై దృష్టి సారిస్తోంది. అయితే, మొత్తం ఎన్ని బస్సులను రెట్రోఫిట్ చేయనున్నారు, అవి ఎప్పటిలోగా రోడ్లపైకి రానున్నాయనే వివరాలను సంస్థ ఇంకా వెల్లడించలేదు.