హోర్ముజ్ జలసంధి సమీపంలో అమెరికా వైమానిక దాడులు..

అమెరికా ఇరాన్‌లోని హోర్మొజ్గాన్ ప్రావిన్స్‌లో, వ్యూహాత్మక ప్రాధాన్యం కలిగిన హోర్ముజ్ జలసంధి సమీపంలో ఉన్న కీలక వంతెనలపై తాజా వైమానిక దాడులు నిర్వహించింది. బందర్ అబ్బాస్ నౌకాశ్రయ నగరం మరియు సమీపంలోని ఇరాన్ నౌకాదళ స్థావరానికి వెళ్లే ప్రధాన సరఫరా మార్గాలను లక్ష్యంగా చేసుకుని ఈ దాడులు జరిగినట్లు సమాచారం. ఈ ఘటనలో కనీసం ముగ్గురు మరణించినట్లు ఇరాన్ అధికారులు వెల్లడించారు.

ఇరాన్ కీలక మౌలిక వసతులు, సరఫరా వ్యవస్థలను లక్ష్యంగా చేసుకున్న అమెరికా విస్తృత సైనిక చర్యల్లో భాగంగానే ఈ దాడులు జరిగినట్లు తెలుస్తోంది. దీంతో వాషింగ్టన్-టెహ్రాన్ మధ్య ఉద్రిక్తతలు మరింత పెరిగాయి. ప్రపంచ చమురు రవాణాలో అత్యంత కీలకమైన హోర్ముజ్ జలసంధి పరిసరాల్లో ఉద్రిక్త పరిస్థితులు నెలకొనడంతో ప్రాంతీయ భద్రతతో పాటు ప్రపంచ ఇంధన సరఫరాపైనా ఆందోళనలు వ్యక్తమవుతున్నాయి.