చంద్రుడి కోసం ఇస్రోతో నాసా చేతులు కలపనుందా?

భారత అంతరిక్ష పరిశోధనా సంస్థ (ఇస్రో)ను భవిష్యత్‌ చంద్ర మిషన్‌లో భాగస్వామ్యం కావాలని నాసా ప్రతినిధులు ఆహ్వానించారు. చంద్రుడి అన్వేషణలో అంతర్జాతీయ సహకారాన్ని మరింత విస్తరించేందుకు నాసా ప్రయత్నిస్తోంది. 2032 నాటికి చంద్రుడి దక్షిణ ధ్రువంపై శాశ్వత మానవ ఆవాసాన్ని ఏర్పాటు చేయాలని నాసా లక్ష్యంగా పెట్టుకుంది.

ఈ ప్రతిపాదిత భాగస్వామ్యంతో భారత్‌-అమెరికా అంతరిక్ష సహకారం మరింత బలోపేతం కానుంది. చంద్రుడిపై సుదీర్ఘకాలిక మానవ కార్యకలాపాలు, శాస్త్రీయ పరిశోధనల కోసం నాసా చేపడుతున్న ప్రణాళికల్లో ఇస్రో తన సాంకేతిక నైపుణ్యంతో కీలకంగా భాగస్వామ్యం అయ్యే అవకాశం ఉంది.