బ్లడీ రోమియోలో నానితో మీనాక్షి.. కీలక పాత్రలో పృథ్వీరాజ్?

నేచురల్ స్టార్ నాని, దర్శకుడు సుజీత్ కాంబినేషన్‌లో తెరకెక్కుతున్న బ్లడీ రోమియోపై సినీ వర్గాల్లో ఆసక్తి పెరుగుతోంది. సాహో, OG చిత్రాలతో యాక్షన్ జానర్‌పై తనదైన ముద్ర వేసిన సుజీత్ ఈసారి నానిని సరికొత్త మేకోవర్‌లో చూపించనున్నట్లు సమాచారం. నిహారిక ఎంటర్‌టైన్‌మెంట్స్‌తో కలిసి నాని, వెంకట్ బోయినపల్లి సంయుక్తంగా నిర్మిస్తున్న ఈ సినిమా స్టైలిష్ విజువల్స్‌తో పాటు యాక్షన్, ఎంటర్‌టైన్‌మెంట్ అంశాలకు ప్రాధాన్యం ఇవ్వనున్నట్లు తెలుస్తోంది.

తాజా సమాచారం ప్రకారం, నాని సరసన మీనాక్షి చౌదరి హీరోయిన్‌గా నటించనుండగా, మలయాళ స్టార్ పృథ్వీరాజ్ సుకుమారన్ కీలక పాత్రలో కనిపించనున్నట్లు టాక్ వినిపిస్తోంది. పృథ్వీరాజ్ ఈ ప్రాజెక్ట్‌లో భాగం కావడం సినిమాపై ఆసక్తిని మరింత పెంచుతోంది. అక్టోబర్‌లో హైదరాబాద్‌లో తొలి షెడ్యూల్ ప్రారంభించి, అనంతరం లండన్‌లో భారీ షెడ్యూల్ నిర్వహించేందుకు మేకర్స్ ప్లాన్ చేస్తున్నట్లు సమాచారం. లండన్‌లో చిత్రీకరించే సన్నివేశాలు సినిమాకు ప్రత్యేక ఆకర్షణగా నిలవనున్నాయని తెలుస్తోంది. పాన్-ఇండియా స్థాయిలో విడుదలకు సిద్ధమవుతున్న ఈ చిత్రానికి ముగ్గురు సంగీత దర్శకులు పనిచేయనున్నారనే వార్తలు కూడా వినిపిస్తున్నాయి.