అంచనాలను మించి దూసుకెళ్తున్న రామాయణ?

రణ్‌బీర్ కపూర్, యష్ ప్రధాన పాత్రల్లో తెరకెక్కిన విజువల్ వండర్ ‘రామాయణ పార్ట్ 1’ విడుదలకు ముందే ఎన్నో సందేహాలు ఎదుర్కొంది. భారీ బడ్జెట్‌తో రూపొందిన ఈ సినిమా అనుకున్న స్థాయిలో వసూళ్లు సాధిస్తుందా అనే చర్చ ట్రేడ్ వర్గాల్లో జరిగింది. మొదటి భాగం ఆశించిన ఫలితాన్ని అందుకోకపోతే రెండో భాగం వ్యాపారంపై ప్రభావం పడుతుందనే అభిప్రాయాలు కూడా వినిపించాయి. అయితే విడుదల తర్వాత పరిస్థితి పూర్తిగా మారిపోయింది. ఊహించని రీతిలో ప్రేక్షకుల ఆదరణ పొందుతూ బాక్సాఫీస్ వద్ద సరికొత్త రికార్డులు సృష్టిస్తోంది.
ముఖ్యంగా దీపావళి తర్వాత వచ్చిన సెలవుల సీజన్‌ను చక్కగా ఉపయోగించుకుంటూ హిందీ మార్కెట్‌లో భారీ వసూళ్లు రాబడుతోంది. బుక్ మై షోలో గంటల వ్యవధిలోనే రికార్డు స్థాయిలో టికెట్లు అమ్ముడై ధురంధర్ 2 రికార్డును అధిగమించింది. విదేశాల్లోనూ మంచి స్పందన రావడం చిత్ర బృందానికి మరింత ఉత్సాహాన్నిస్తోంది. ఇదే జోరు కొనసాగితే 2000 కోట్ల వసూళ్లను అందుకోవడం పెద్ద కష్టమేమీ కాకపోవచ్చు. ఈ విజయంతో ‘రామాయణ పార్ట్ 2’పై కూడా అంచనాలు పెరిగాయి.