ప్రభాస్ ‘ఫౌజీ’ రిలీజ్ డేట్ ఇదే !

సలార్, కల్కి 2898 వంటి విజయాల తర్వాత ప్రభాస్‌కు ది రాజా సాబ్ రూపంలో ఓ డిజాస్టర్ ఎదురైంది. అయితే ఈ స్టార్ వెంటనే కోలుకొని ప్రస్తుతం స్పిరిట్, ఫౌజీ, కల్కి 2 వంటి భారీ ప్రాజెక్టులతో బిజీగా ఉన్నాడు. వీటిలో స్పిరిట్ ఇప్పటికే రిలీజ్ ప్లాన్‌లో ఉండగా, ఫౌజీ రిలీజ్ డేట్‌పై కూడా బజ్ వినిపిస్తోంది.

సీతారామం ఫేమ్ హను రాఘవపూడి దర్శకత్వంలో తెరకెక్కుతున్న ఫౌజీ స్వాతంత్ర్యానికి ముందు కాలం నాటి వార్ బ్యాక్‌డ్రాప్‌తో రూపొందుతోంది. ఆగస్టులో రావాల్సిన ఈ సినిమా షూటింగ్, పోస్ట్ ప్రొడక్షన్ కారణంగా వాయిదా పడుతూ అక్టోబర్-నవంబర్‌కు షిఫ్ట్ అయ్యే అవకాశం ఉంది. తాజాగా డిసెంబర్ 3 రిలీజ్ డేట్‌గా ఫిక్స్ అయ్యిందనే టాక్ వినిపిస్తున్నా, అధికారిక ప్రకటన రావాల్సి ఉంది.