‘మంగళవారం’ రీమేక్‌కు నో చెప్పిన అజయ్

దర్శకుడు అజయ్ భూపతి తెరకెక్కించిన తాజా చిత్రం ‘శ్రీనివాస మంగాపురం’ జూలై 30న విడుదలై థియేటర్లలో ప్రదర్శితమవుతోంది. ఈ సందర్భంగా ఇచ్చిన ఇంటర్వ్యూలో తన కెరీర్‌లో ప్రత్యేక గుర్తింపు తెచ్చిన ‘ఆర్ఎక్స్ 100’, ‘మంగళవారం’ చిత్రాల గురించి ఆసక్తికర విషయాలు వెల్లడించారు. ‘ఆర్ఎక్స్ 100’ ఒక కల్ట్ మూవీ అని, హీరోయిన్ కారణంగా హీరో జీవితం నాశనం అయ్యే విభిన్న కథాంశాన్ని కొత్తగా ప్రేక్షకుల ముందుకు తీసుకొచ్చానని తెలిపారు.

‘ఆర్ఎక్స్ 100’ తర్వాత అదే తరహా కథలతో అనేక సినిమాలు వచ్చాయని అజయ్ భూపతి పేర్కొన్నారు. ‘మంగళవారం’ చిత్ర రీమేక్ హక్కుల కోసం బాలీవుడ్ నుంచి పలువురు సంప్రదించినప్పటికీ, కథలోని అసలు భావోద్వేగం కోల్పోయే అవకాశం ఉందనే కారణంతో హక్కులు విక్రయించలేదని చెప్పారు. ప్రస్తుతం ఆయన దర్శకత్వం వహించిన ‘శ్రీనివాస మంగాపురం’ చిత్రంలో జయకృష్ణ, రాషా తడాని ప్రధాన పాత్రల్లో నటిస్తున్నారు.