పాత కాలం కథలతో భారీ సినిమాలు

ప్రస్తుతం స్టార్‌ హీరోల సినిమాల్లో ఓ కొత్త ట్రెండ్‌ కనిపిస్తోంది. కథలను సమకాలీన నేపథ్యంలో కాకుండా 80లు, 90లు లేదా అంతకంటే పాత కాలంలో నడిపిస్తూ భారీ చిత్రాలను రూపొందిస్తున్నారు. బాలకృష్ణ నటిస్తున్న ‘NBK111’కు 1993 నాటి బాంబే నేపథ్యం, యష్‌ ‘టాక్సిక్‌’లో పాత గోవా వాతావరణం, ప్రభాస్‌ ‘ఫౌజీ’లో చారిత్రక నేపథ్యం ఉండగా.. ‘రణబలి’ కూడా పీరియడ్‌ నేపథ్యంలో తెరకెక్కుతున్నట్లు సినీ వర్గాల్లో చర్చ జరుగుతోంది.

ప్రస్తుత కాలంలో మొబైల్‌ ఫోన్లు, సీసీటీవీలు, సామాజిక మాధ్యమాలు, గూగుల్‌ మ్యాప్స్‌ వంటి సాంకేతికత అందుబాటులో ఉండటంతో కథలోని ప్రతి అంశానికి తార్కిక వివరణ ఇవ్వాల్సి వస్తుంది. అదే పాత కాలాన్ని ఎంచుకుంటే గ్యాంగ్స్‌, అండర్‌వరల్డ్‌, రాజకీయాలు, యాక్షన్‌ వంటి అంశాలను స్వేచ్ఛగా ఆవిష్కరించే అవకాశం దర్శకులకు లభిస్తుంది. పాత కార్లు, దుస్తులు, సెట్స్‌, లొకేషన్స్‌ సినిమాలకు ప్రత్యేకమైన దృశ్య అనుభూతిని అందిస్తాయి. అయితే నేపథ్యం ఎంత పాతదైనా.. కథ మాత్రం కొత్తదనంతో ఉండాల్సిందే.