నాగార్జున 100వ సినిమా షూటింగ్‌పై ఆసక్తి

నాగార్జున తన 100వ సినిమా షూటింగ్‌లో బిజీగా ఉన్నారు. దర్శకుడు కార్తిక్ తెరకెక్కిస్తున్న ఈ చిత్రంలో టబు కీలక పాత్రలో కనిపించనున్నారు. అధికారిక టైటిల్ ప్రకటించకపోవడంతో ప్రస్తుతం ఈ సినిమాను “కింగ్ 100” వర్కింగ్ టైటిల్‌తో షూటింగ్ చేస్తున్నారు. ఇప్పటికే సుమారు 80 శాతం షూటింగ్ పూర్తైనప్పటికీ ఇప్పటివరకు ఒక్క పోస్టర్ కూడా విడుదల చేయకపోవడం గమనార్హం.

నాగార్జున సినీ పరిశ్రమలోకి అడుగుపెట్టి 40 సంవత్సరాలు పూర్తైన సందర్భంగా కూడా ఈ సినిమాపై ఎలాంటి అప్డేట్ రాకపోవడం అభిమానుల్లో ఆసక్తిని పెంచింది. చిన్న లీక్ కూడా బయటకు రాకపోవడం ఈ ప్రాజెక్ట్ చుట్టూ మరింత మిస్టరీని పెంచుతోంది. ఎస్. ఎస్. రాజమౌళి స్థాయి కట్టుదిట్టమైన సెక్యూరిటీ మాదిరిగా ఈ సినిమా షూటింగ్ జరుగుతోందని సినీ వర్గాలు చెబుతున్నాయి.