దుల్కర్ సల్మాన్ స్పోర్ట్స్ థ్రిల్లర్ ‘ఐ యామ్ గేమ్’ విడుదల తేదీ ఖరారు

దుల్కర్ సల్మాన్ హీరోగా, ‘RDX’ ఫేమ్ నహాస్ హిదాయత్ దర్శకత్వంలో క్రికెట్ నేపథ్యంలో తెరకెక్కుతున్న స్పోర్ట్స్ యాక్షన్ థ్రిల్లర్ ‘ఐ యామ్ గేమ్’ విడుదల తేదీని చిత్ర బృందం అధికారికంగా ప్రకటించింది. ఈ చిత్రంలో కయాదు లోహర్ హీరోయిన్‌గా నటిస్తుండగా, ఆంటోనీ వర్గీస్, సంయుక్త విశ్వనాథన్, మిస్కిన్, కతిర్ కీలక పాత్రల్లో కనిపించనున్నారు.

ఈ సినిమాను ఆగస్టు 20న ఓనం సందర్భంగా విడుదల చేయనున్నట్లు ప్రకటించారు. దుల్కర్ సల్మాన్ సొంత బ్యానర్ ‘వేఫెరర్ ఫిలిమ్స్’తో పాటు జోయ్ వర్గీస్ సంయుక్తంగా నిర్మిస్తున్నారు. జేక్స్ బిజోయ్ సంగీతం అందిస్తున్న ఈ సినిమా మలయాళం, తెలుగు, తమిళ్, కన్నడ, హిందీ భాషల్లో విడుదల కానుంది.