అమితాబ్ ఎనర్జీకి ఇండస్ట్రీ ఫిదా

బాలీవుడ్ సీనియర్ నటుడు అమితాబ్ బచ్చన్ 82 ఏళ్ల వయసులోనూ, ఒక్క రోజులో 12 షార్ట్ ఫిల్మ్స్ షూటింగ్ పూర్తి చేసి సినీ ప్రపంచాన్ని ఆశ్చర్యానికి గురి చేశారు. తన అద్భుతమైన శక్తి, క్రమశిక్షణతో ఆయన మరోసారి అందరి దృష్టిని ఆకర్షించారు. అదనంగా రెండు స్టిల్ షూట్స్ కూడా పూర్తి చేసినట్లు సమాచారం.

తన అభిమానులను “ఎక్స్‌టెండెడ్ ఫ్యామిలీ”గా పేర్కొంటూ అమితాబ్ తన అనుభవాలను బ్లాగ్‌లో పంచుకున్నారు. ప్రస్తుతం ఆయన ప్రభాస్, కమల్ హాసన్ ప్రధాన పాత్రల్లో నటిస్తున్న కల్కి 2898 AD సీక్వెల్‌లో అశ్వత్థామ పాత్రను కొనసాగిస్తున్నారు. దర్శకుడు నాగ్ అశ్విన్ ఈ చిత్రాన్ని రూపొందిస్తున్నారు.