‘నాగబంధం’ రన్‌టైమ్ హాట్ టాపిక్?

పాన్ ఇండియా స్థాయిలో రూపొందుతున్న ‘నాగబంధం’ చిత్రం విడుదలకు ముందే ప్రేక్షకుల దృష్టిని ఆకర్షిస్తోంది. యువ నటుడు విరాట్ కర్ణ ప్రధాన పాత్రలో నటిస్తుండగా, నిర్మాతగా పేరుపొందిన అభిషేక్ నామా ఈ చిత్రానికి దర్శకత్వం వహించడం ప్రత్యేక ఆకర్షణగా మారింది. ఫాంటసీ, మిస్టరీ, అడ్వెంచర్ అంశాలతో తెరకెక్కుతున్న ఈ సినిమా జూలై 3న ప్రేక్షకుల ముందుకు రానుంది. ఇప్పటికే విడుదలైన ప్రచార సామగ్రి సినిమాపై అంచనాలను మరింత పెంచింది.

ఇక ఈ చిత్ర నిడివి గురించి సినీ వర్గాల్లో చర్చ జరుగుతోంది. అందుతున్న సమాచారం ప్రకారం ‘నాగబంధం’ రన్‌టైమ్ సుమారు మూడు గంటల పదిహేను నిమిషాలుగా ఉండనున్నట్లు తెలుస్తోంది. సాధారణంగా ఇంత పెద్ద నిడివి ఉన్న చిత్రాలపై సందేహాలు ఉన్నప్పటికీ, కథ బలంగా ఉంటే అది సమస్య కాదని విశ్లేషకులు భావిస్తున్నారు. భారీ విజువల్ ఎఫెక్ట్స్, అద్భుతమైన గ్రాఫిక్స్, విస్తారమైన కథ ఈ చిత్రానికి ప్రధాన ఆకర్షణలుగా నిలుస్తాయని సమాచారం. జగపతిబాబు, మహేశ్ మంజ్రేకర్, మురళీ శర్మ, దక్షా నగార్కర్, రిషబ్ సాహ్నీ కీలక పాత్రల్లో నటిస్తున్నారు.