ఉస్తాద్ భగత్ సింగ్’ కాలరే ఎత్తర ఫుల్ సాంగ్ రిలీజ్

పవర్ స్టార్ పవన్ కళ్యాణ్, దర్శకుడు హరీష్ శంకర్ కలయికలో రూపొందుతున్న  “ఉస్తాద్ భగత్ సింగ్”  సినిమాపై అభిమానుల్లో భారీ అంచనాలు నెలకొన్నాయి. ఇప్పటికే విడుదలైన పాటలు, ప్రచార దృశ్యాలు మంచి స్పందన పొందగా, తాజాగా చిత్రబృందం మూడో గీతం “కాలరే ఎత్తరా” ను విడుదల చేసింది. హైదరాబాద్‌లోని మైత్రి విమల్ థియేటర్‌లో అభిమానుల సందడి మధ్య ఈ గీతావిష్కరణ కార్యక్రమం వైభవంగా జరిగింది.

భారీ స్థాయిలో నిర్మించిన ఈ పాటలో పవన్ కళ్యాణ్ ప్రత్యేకమైన శైలి, ఉత్సాహభరితమైన నృత్యంతో ప్రేక్షకులను ఆకట్టుకుంటున్నారు. దేవి శ్రీ ప్రసాద్ అందించిన సంగీతం, రామ్ మిర్యాల గానం, కాసర్ల శ్యామ్ సాహిత్యం కలిసి పాటకు మరింత ఆకర్షణను తెచ్చాయి. ఈ నెల 14 న ఈ చిత్ర ట్రైలర్ విడుదల కానుండగా, ఈ నెల 15 న భారీ ముందస్తు వేడుక నిర్వహించనున్నారు. మైత్రి మూవీ మేకర్స్ నిర్మిస్తున్న ఈ చిత్రం ఈ నెల 19 న థియేటర్లలో విడుదల కానుంది.