ప్రభాస్ తదుపరి సినిమాపై భారీ అంచనాలు

సంక్రాంతికి ‘ది రాజా సాబ్’ విడుదలైన తర్వాత ప్రభాస్ ఏడాది చివర్లో మరోసారి ప్రేక్షకులను అలరించడానికి సిద్ధమవుతున్నాడు. ఆయన ప్రస్తుతం నటిస్తున్న ప్రాజెక్టుల్లో హను రాఘవపూడి దర్శకత్వంలో తెరకెక్కుతున్న ‘ఫౌజీ’ చిత్రం వేగంగా షూటింగ్ జరుపుకుంటోంది. తాజా సమాచారం ప్రకారం, ఈ సినిమాను ప్రపంచవ్యాప్తంగా డిసెంబర్ 3న విడుదల చేయాలని మేకర్స్ నిర్ణయించినట్లు తెలుస్తోంది. త్వరలోనే దీనిపై అధికారిక ప్రకటన వచ్చే అవకాశం ఉంది.

ఇంకా, స్వాతంత్ర్య దినోత్సవం (ఆగస్టు 15) సందర్భంగా ఈ చిత్రానికి సంబంధించిన ప్రత్యేక గ్లింప్స్ విడుదల చేయాలని టీమ్ ప్లాన్ చేస్తోంది. ఇది అభిమానులకు విజువల్ ట్రీట్‌గా ఉండనుందని సమాచారం. ఇందులో ప్రభాస్ ఇప్పటివరకు చూడని పవర్‌ఫుల్ పాత్రలో కనిపించనున్నాడు. ఈ సినిమాలో ఇమాన్వీ హీరోయిన్‌గా నటిస్తుండగా, అనుపమ్ ఖేర్, మిథున్ చక్రవర్తి, జయప్రద, భాను చందర్ కీలక పాత్రల్లో కనిపించనున్నారు. మైత్రీ మూవీ మేకర్స్, టీ-సిరీస్ (గుల్షన్ కుమార్, భూషణ్ కుమార్ సమర్పణలో) సంయుక్తంగా నిర్మిస్తున్న ఈ భారీ చిత్రానికి విశాల్ చంద్రశేఖర్ సంగీతం అందిస్తున్నారు.