మూవీ లవర్స్‌కు పండగే.. థియేటర్, ఓటీటీలో ఈ వారం భారీగా రిలీజ్‌లు

సెప్టెంబరు 18న తెలుగు ప్రేక్షకులను అలరించేందుకు పలు సినిమాలు థియేటర్లలోకి రానున్నాయి. ఎలాంటి అంచనాలు లేకుండా విడుదలై బాక్సాఫీస్ వద్ద రూ.250 కోట్లకు పైగా వసూళ్లు సాధించిన ‘హనుమాన్ అంశ్’ తెలుగు వెర్షన్ ఈ తేదీనే విడుదల కానుంది. శోభిత్ శ్రీవాత్సవ ప్రధాన పాత్రలో నటించిన ఈ చిత్రానికి త్రివిక్రమ్ సమర్పకుడిగా వ్యవహరిస్తున్నారు. అదే రోజున రాగ్‌మయూర్, మెరిన్ ఫిలిప్ జంటగా నటించిన కామెడీ ఎంటర్‌టైనర్ ‘అనుమాన పక్షి’, నిహాల్ కోదాటి, సూర్య శ్రీనివాస్ నటించిన స్పై థ్రిల్లర్ ‘సీక్రెట్ సోల్జర్’ కూడా ప్రేక్షకుల ముందుకు రానున్నాయి. ప్రశాంత్ నీల్ సమర్పణలో కీర్తన్ గౌడ తెరకెక్కించిన హారర్ థ్రిల్లర్ ‘418’ కూడా సెప్టెంబరు 18నే విడుదల కానుంది. అలాగే పృథ్వీరాజ్ సుకుమారన్, కరీనా కపూర్ నటించిన ‘దాయరా’, ఏడుగురు మహిళల జీవితాల చుట్టూ సాగే ‘హ్యాపీ జర్నీ’ కూడా థియేటర్లలోకి రానున్నాయి.

ఇక ఈ వారం ఓటీటీల్లోనూ పలు ఆసక్తికరమైన సినిమాలు, వెబ్‌సిరీస్‌లు స్ట్రీమింగ్‌కు సిద్ధమయ్యాయి. నెట్‌ఫ్లిక్స్‌లో ‘మాన్‌స్టర్: ది లిజ్జీ బోర్డన్ స్టోరీ’, ‘ది ఫిక్సర్స్: సీజన్ 1’, ‘నాట్ ఏ స్ట్రేంజర్’, ‘మొదరాతిరి’, ‘ఇరుముడి’, ‘లస్ట్ స్టోరీస్ 3’, ‘బెస్ట్ ఆఫ్ ది బెస్ట్’, ‘సిన్నర్స్’, ‘స్ట్రేంజర్ థింగ్స్: టేల్స్ 85 సీజన్ 2’ వంటి కంటెంట్ అందుబాటులోకి రానుంది. అమెజాన్ ప్రైమ్‌లో ‘నీగ్లీ’ సెప్టెంబరు 16 నుంచి స్ట్రీమింగ్ కానుండగా, ‘హుషారు పిట్టలు’ ఇప్పటికే స్ట్రీమింగ్ అవుతోంది. జియో హాట్‌స్టార్‌లో ‘లీకోర్నిన్స్ ది మమ్మీ’, ‘తుడక్కమ్’ ప్రేక్షకులను అలరించనున్నాయి.