వివాదం లో నయనతార, ఫైర్ అవుతున్న తమిళ నిర్మాతలు

నయనతారకు తెలుగు సినిమా కొత్త తలనొప్పి తెచ్చింది. మెగాస్టార్ చిరంజీవితో నటించిన మన శంకర వరప్రసాద్‌ గారు సినిమా ప్రమోషన్ కోసం చేసిన వీడియో ఒక వివాదానికి కారణమైంది. నెటిజన్లు సోషల్ మీడియాలో ఆమెను విమర్శిస్తూ, తమిళ సినిమాలకు తక్కువ ప్రాధాన్యత ఇస్తున్నారని కామెంట్స్ చేస్తున్నారు.

తమిళంలో ఎంత పెద్ద హీరోతో నటించినా, ఫీమేల్-ఓరియెంటెడ్ సినిమాల్లో నటించినా, నయనతార తమిళ చిత్రాల ప్రమోషన్ నుండి దూరంగా ఉంటారు. ఆమె ఈ నియమాన్ని గట్టిగా పాటిస్తున్నారని సమాచారం. ఫలితంగా, తమిళ నిర్మాతలు ఆమె పై ఆగ్రహాన్ని వ్యక్తం చేస్తున్నారు.

ఇప్పుడు నయనతార తెలుగు సినిమా ప్రమోషన్‌లో పాల్గొనడంతో తమిళ నిర్మాతల కోపం మరింత పెరిగింది. దీనివల్ల ఆమె ప్రమోషన్ ప్రవర్తనపై మరోసారి చర్చ ప్రారంభమైంది.