త్రివిక్రమ్‌తో శ్రీనిధి క్యూట్ మూమెంట్స్.. అదిరిందిగా!

విక్టరీ వెంకటేష్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో తెరకెక్కుతున్న క్రైమ్ థ్రిల్లర్ ‘ఆదర్శ కుటుంబం’ ప్రస్తుతం శరవేగంగా షూటింగ్ జరుపుకుంటోంది. ఈ చిత్రంపై అభిమానుల్లో ఇప్పటికే ఆసక్తి నెలకొనగా, 2026 అక్టోబర్ 2న సినిమాను థియేటర్లలో విడుదల చేసేందుకు మేకర్స్ సన్నాహాలు చేస్తున్నారు. ఇందులో శ్రీనిధి శెట్టి కథానాయికగా నటిస్తోంది.

తాజాగా శ్రీనిధి శెట్టి సోషల్ మీడియాలో కొన్ని ఫోటోలను పంచుకుంది. షూటింగ్ సమయంలోని సరదా క్షణాలతో పాటు దర్శకుడు త్రివిక్రమ్ స్క్రిప్ట్ వర్క్‌లో నిమగ్నమైన దృశ్యాలు కూడా ఈ ఫోటోల్లో కనిపించాయి. దీంతో ఈ ఫోటోలు అభిమానులను ఆకట్టుకుంటూ సోషల్ మీడియాలో వైరల్ అవుతున్నాయి. నివేథా పేతురాజ్, నారా రోహిత్, పూజిత పొన్నాడ, రావు రమేష్, బ్రహ్మాజీ కీలక పాత్రల్లో నటిస్తున్నారు. హారిక అండ్ హాసిని క్రియేషన్స్ బ్యానర్‌పై నిర్మితమవుతున్న ఈ చిత్రానికి థమన్ ఎస్ సంగీతం అందిస్తున్నారు.