‘డెకాయిట్’పై సుమంత్ ఆసక్తికర వ్యాఖ్యలు

టాలీవుడ్ సీనియర్ నటుడు సుమంత్ ప్రస్తుతం ‘న్యూటన్స్ థర్డ్ లా’ చిత్రంతో ప్రేక్షకుల ముందుకు రాబోతున్నారు. జులై 31న ఈ సినిమా విడుదల కానున్న నేపథ్యంలో ఆయన వరుస ఇంటర్వ్యూలలో పాల్గొంటూ సినిమా విశేషాలతో పాటు తన కెరీర్‌కు సంబంధించిన ఆసక్తికర విషయాలను వెల్లడిస్తున్నారు. తాజాగా ‘డెకాయిట్’ సినిమా గురించి మాట్లాడుతూ.. ఈ ఏడాది తనకు ఎంతో ప్రత్యేకమని, ఆ చిత్రానికి సైలెంట్ ప్రొడ్యూసర్‌గా వ్యవహరించడం ఆనందంగా ఉందని తెలిపారు.

‘డెకాయిట్’ సినిమా ద్వారా తనకు కొంత మేర లాభాలు కూడా వచ్చాయని సుమంత్ చెప్పారు. అలాగే అఖిల్ నటించిన ‘లెనిన్’ సినిమా విజయవంతం కావడం కూడా తనకు సంతోషాన్ని ఇచ్చిందన్నారు. ‘డెకాయిట్’ విషయంలో తాను కేవలం సైలెంట్ ప్రొడ్యూసర్ మాత్రమేనని, కథ, షూటింగ్, విడుదల వంటి అంశాల్లో ఎలాంటి జోక్యం చేసుకోలేదని తెలిపారు. ఈ చిత్రానికి సుప్రియ యాక్టివ్ ప్రొడ్యూసర్‌గా వ్యవహరించి అన్ని బాధ్యతలు చూసుకున్నారని వెల్లడించారు.