‘ది ప్యారడైజ్’ మాస్ సాంగ్‌కు అరుదైన ఘనత

నాచురల్ స్టార్ నాని హీరోగా, శ్రీకాంత్ ఓదెల దర్శకత్వంలో తెరకెక్కుతున్న భారీ పాన్ ఇండియా చిత్రం 'ది ప్యారడైజ్'పై భారీ అంచనాలు నెలకొన్నాయి. కయాదు లోహర్ కథానాయికగా నటిస్తుండగా, మోహన్ బాబు, సంపూర్ణేష్ బాబు కీలక పాత్రలు పోషిస్తున్నారు. అనిరుధ్ రవిచందర్ సంగీతం అందిస్తున్న ఈ చిత్రాన్ని ఎస్‌ఎల్‌వీ సినిమాస్ బ్యానర్‌పై సుధాకర్ చెరుకూరి నిర్మిస్తున్నారు.

ఈ చిత్రం నుంచి విడుదలైన 'ఆయా షేర్' మాస్ సాంగ్ ప్రేక్షకులను విశేషంగా ఆకట్టుకుంది. తాజాగా ఈ పాట యూట్యూబ్‌లో 200 మిలియన్లకు పైగా వ్యూస్ సాధించి మరో అరుదైన మైలురాయిని అందుకుంది. ఈ చిత్రాన్ని సెప్టెంబర్ 25న విడుదల చేసే ఆలోచనలో మేకర్స్ ఉన్నట్లు సమాచారం. అయితే దీనిపై అధికారిక ప్రకటన ఇంకా వెలువడలేదు.