సినిమా షూటింగ్ సమయంలో అసౌకర్యానికి గురైన నటి...

మరాఠీ చిత్రసీమతో పాటు హిందీ ఓటీటీ ప్రాజెక్టులతో మంచి గుర్తింపు సంపాదించుకున్న నటి ప్రియా బాపట్ తన కెరీర్ ప్రారంభంలో ఎదురైన ఒక అసౌకర్యకర అనుభవాన్ని తాజాగా వెల్లడించారు. ఓ ప్రత్యేక ఇంటర్వ్యూలో మాట్లాడుతూ, ఒక సినిమా షూటింగ్ సమయంలో సహనటుడు వృత్తిపరమైన హద్దులను దాటి ప్రవర్తించాడని ఆమె ఆరోపించారు. కథలో భాగంగా ఉన్న ముద్దు సన్నివేశంపై తనకు మొదట నుంచే సందేహాలు ఉన్నప్పటికీ, కథ అవసరాన్ని దృష్టిలో ఉంచుకుని ఆ సన్నివేశానికి అంగీకరించినట్లు తెలిపారు.

అయితే షూటింగ్ సమయంలో అనుకున్న దానికంటే భిన్నంగా పరిస్థితులు మారాయని, సహనటుడు తనకు తీవ్ర అసౌకర్యం కలిగించేలా ప్రవర్తించాడని ప్రియా బాపట్ పేర్కొన్నారు. షూటింగ్ పూర్తయ్యాక కూడా అతని నుంచి ఒత్తిడిని ఎదుర్కొన్నట్లు ఆమె వెల్లడించారు. ఆ సమయంలో తాను తీవ్ర అయోమయానికి గురయ్యానని చెప్పిన ప్రియా, చిత్ర పరిశ్రమలో మహిళలకు సురక్షితమైన మరియు గౌరవప్రదమైన వాతావరణం ఉండాల్సిన అవసరాన్ని పరోక్షంగా గుర్తు చేశారు.