యూట్యూబ్‌ను షేక్‌ చేస్తున్న ‘ది ప్యారడైజ్‌’ సెకండ్‌ సింగిల్‌ ‘యేశనగుల’..

నాని, కీర్తి సురేశ్‌ జంటగా నటిస్తున్న ప్రతిష్ఠాత్మక చిత్రం ‘ది ప్యారడైజ్‌’ నుంచి విడుదలైన రెండో సింగిల్‌ ‘యేశనగుల’ సోషల్‌ మీడియాను, యూట్యూబ్‌ను షేక్‌ చేస్తోంది. ఈ పాట యూట్యూబ్‌లో నంబర్‌ వన్‌ ట్రెండింగ్‌లో నిలిచి ఇప్పటికే 2 కోట్లకు పైగా వ్యూస్‌, 3.8 లక్షలకు పైగా లైక్స్‌ సొంతం చేసుకుంది. జాంగిరెడ్డి, సింగర్‌ ప్రభ పాటకు గాత్రం అందించగా, శ్యామ్‌ సాహిత్యం, సందీప్‌ కొరియోగ్రఫీ అందించారు. పాటకు వస్తున్న భారీ స్పందనతో సినిమాపై అంచనాలు మరింత పెరిగాయి.

శ్రీకాంత్‌ ఓదెల దర్శకత్వంలో తెరకెక్కుతున్న ‘ది ప్యారడైజ్‌’ చిత్రానికి అనిరుధ్‌ రవిచందర్‌ సంగీతం అందిస్తున్నారు. నేచురల్‌ స్టార్‌ నాని, కీర్తి సురేశ్‌ ప్రధాన పాత్రల్లో నటిస్తున్న ఈ చిత్రం 2026 సెప్టెంబర్‌ 24న ప్రపంచవ్యాప్తంగా థియేటర్లలో విడుదల కానుంది. రెండో సింగిల్‌ ఇప్పటికే నంబర్‌ వన్‌ ట్రెండింగ్‌లో నిలవడంతో సినిమాకు మరింత హైప్‌ వచ్చింది. భారీ స్థాయిలో రూపొందుతున్న ఈ చిత్రంపై నాని అభిమానులతో పాటు సినీ ప్రేక్షకుల్లోనూ ఆసక్తి పెరుగుతోంది.