డల్లాస్‌లో ‘యెష నాగుల’ సాంగ్‌ లాంచ్.. నానితో కలిసి అనిరుధ్ సందడి

నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్‌లో తెరకెక్కుతున్న మోస్ట్ అవైటెడ్ మూవీ ‘ది ప్యారడైజ్’పై అంచనాలు రోజురోజుకూ పెరుగుతున్నాయి. ‘దసరా’ తర్వాత ఈ కాంబినేషన్ మరోసారి రావడంతో సినిమాపై భారీ ఆసక్తి నెలకొంది. తాజాగా చిత్రంలోని రెండో సింగిల్ ‘యెష నాగుల’ను ఆగస్టు 28న అమెరికాలోని డల్లాస్‌లో సంగీత దర్శకుడు అనిరుధ్ రవిచందర్ నిర్వహించిన లైవ్ కాన్సర్ట్‌లో ఆవిష్కరించారు. ఈ సందర్భంగా నాని కూడా స్టేజ్‌పైకి వచ్చి అనిరుధ్‌తో కలిసి సందడి చేయడం ప్రత్యేక ఆకర్షణగా నిలిచింది.

తెలంగాణ జానపద నేటివిటీని ప్రతిబింబించే ఈ పాటకు అనిరుధ్ మాస్ బీట్‌లను అందించగా, కాసర్ల శ్యామ్ సాహిత్యం అందించారు. జంగి రెడ్డి, ప్రభ గాత్రం అందించారు. ఈ పాటలో కీర్తి సురేష్ ప్రత్యేకంగా కనిపించనున్నారు. ఆగస్టు 29న ‘యెష నాగుల’ను డిజిటల్‌గా విడుదల చేశారు. శ్రీకాంత్ ఓదెల దర్శకత్వంలో తెరకెక్కుతున్న ‘ది ప్యారడైజ్’ ప్రపంచవ్యాప్తంగా సెప్టెంబర్ 24, 2026న థియేటర్లలోకి రానుంది.