ఓటీటీలోకి ‘రావు బహదూర్’..

వైవిధ్యమైన కథలు, పాత్రలతో ప్రేక్షకులను ఆకట్టుకుంటున్న సత్యదేవ్ నటించిన రావు బహదూర్ ఇప్పుడు ఓటీటీ ప్రేక్షకులను అలరించేందుకు సిద్ధమైంది. వెంకటేశ్ మహా దర్శకత్వంలో తెరకెక్కిన ఈ చిత్రంలో దీపా థామస్ కథానాయికగా నటించారు. జూలై 3న థియేటర్లలో విడుదలైన ఈ చిత్రం విభిన్న కథనం, సత్యదేవ్ అద్భుత నటనతో విమర్శకుల ప్రశంసలు అందుకుంది.

ఇప్పుడు ఈ చిత్రం జూలై 31 నుంచి నెట్‌ఫ్లిక్స్‌లో స్ట్రీమింగ్ కానుంది. తెలుగు, హిందీ, తమిళ్, కన్నడ, మలయాళ భాషల్లో ప్రేక్షకులకు అందుబాటులోకి రానుంది. 1968 నుంచి 1991 మధ్యకాలం నేపథ్యంలో సాగే ఈ కథలో రామప్ప రావు బహదూర్ అనే రాజవంశీకుడి జీవితాన్ని చూపించారు. కాలేయ క్యాన్సర్‌తో పోరాడుతూనే మానసిక వేదనతో జీవించే అతని గతం, రేణుకతో ప్రేమ, వివాహ జీవితం, ఒంటరితనానికి కారణమైన రహస్యం కథలో ప్రధాన ఆకర్షణగా నిలుస్తాయి.