‘ఉస్తాద్ భగత్ సింగ్’ ఓటీటీ డీల్, రిలీజ్ పై హరీష్ శంకర్ ఇంట్రెస్టింగ్ కామెంట్స్!

ఈ నెలలో విడుదలకు సిద్ధంగా ఉన్న అవైటెడ్ చిత్రాల్లో తెలుగు నుంచి ఉన్న ఏకైక పెద్ద సినిమా ‘ఉస్తాద్ భగత్ సింగ్’. పవన్ కళ్యాణ్ హీరోగా నటించిన ఈ చిత్రం, ఆయనకు ‘ఓజీ’ వంటి హిట్ తర్వాత వస్తున్న పూర్తి మాస్ ఎంటర్‌టైనర్ కావడంతో అభిమానుల్లో భారీ అంచనాలు ఉన్నాయి. దర్శకుడు హరీష్ శంకర్ ఇప్పటికే ప్రమోషన్స్ ప్రారంభించారు.

ఈ సినిమా ఓటీటీ హక్కులను ప్రముఖ స్ట్రీమింగ్ సంస్థ నెట్ ఫ్లిక్స్ సొంతం చేసుకుంది. హరీష్ శంకర్ చెప్పిన ప్రకారం, ఆయన కట్ చేసిన ఫుటేజ్‌ను చూసిన నెట్‌ఫ్లిక్స్ టీమ్ కేవలం 20 నిమిషాల్లోనే నిర్మాతలతో డీల్ పూర్తి చేసింది. దీనివల్ల సినిమా కంటెంట్‌పై వారికి ఎంత నమ్మకం ఉందో అర్థమవుతోంది.

ఓటీటీ విడుదల తేదీ గురించి మాట్లాడిన హరీష్ శంకర్, ఆ నిర్ణయం పూర్తిగా నిర్మాతలదేనని, తాను అందులో జోక్యం చేసుకోనని స్పష్టం చేశారు.