రైతుల సమస్యలను పక్కనపెట్టి రాజకీయాలా? – కూనంనేని

కరువు సమస్యపై కేంద్ర, రాష్ట్ర ప్రభుత్వాలు దృష్టి సారించకుండా ఒకరిపై ఒకరు నిందారోపణలు చేసుకుంటున్నాయని సీపీఐ నాయకుడు కూనంనేని విమర్శించారు. రైతులు పంటలు కోల్పోయి తీవ్ర ఇబ్బందులు ఎదుర్కొంటున్నప్పటికీ ప్రభుత్వాలు రాజకీయ విమర్శలకే పరిమితమవుతున్నాయని ఆయన అన్నారు. పరస్పర ఆరోపణలు మానుకుని, కరువు ప్రభావిత రైతులకు తక్షణ సహాయం అందించేలా చర్యలు తీసుకోవాలని ప్రభుత్వాలను కోరారు.

కేంద్ర ప్రభుత్వం వెంటనే స్పందించి తెలంగాణకు రూ.25 వేల కోట్ల కరువు సహాయ నిధిని ప్రకటించాలని కూనంనేని డిమాండ్ చేశారు. పంటలు నష్టపోయి ఆర్థికంగా ఇబ్బందులు పడుతున్న రైతులకు న్యాయం జరిగేలా తక్షణ చర్యలు తీసుకోవాలని కోరారు. ఈ పర్యటనలో తెలంగాణ రైతు సంఘం రాష్ట్ర నాయకులు భాగం హేమంతరావు, జిల్లా నాయకులు దొండపాటి రమేష్, ఎర్రబాబు తదితరులు పాల్గొన్నారు.