యూపీ ఎన్నికలపై బీజేపీ ఫోకస్

ఉత్తరప్రదేశ్‌లో 2027 అసెంబ్లీ ఎన్నికల నేపథ్యంలో బీజేపీ సంస్థాగతంగా సన్నద్ధతను ముమ్మరం చేస్తోంది. ఇందులో భాగంగా బీజేపీ జాతీయ అధ్యక్షుడు నితిన్‌ నబీన్‌ సెప్టెంబర్‌ 21, 22 తేదీల్లో పశ్చిమ ఉత్తరప్రదేశ్‌లోని మీరట్‌, సహారన్‌పూర్‌ జిల్లాల్లో పర్యటించనున్నారు. మీరట్‌లో ఎంపీలు, ఎమ్మెల్యేలు, మాజీ ప్రజాప్రతినిధులు, పార్టీ పదాధికారులతో సమావేశమై ఎన్నికల సన్నాహాలు, సంస్థాగత అంశాలపై సమీక్ష చేయనున్నారు.

మీరట్‌లో శక్తి కేంద్రాల స్థాయి సమావేశంతో పాటు యువత, వివిధ వర్గాల ప్రముఖులతో నితిన్‌ నబీన్‌ భేటీ కానున్నారు. అనంతరం సహారన్‌పూర్‌లో పార్టీ నేతలు, జిల్లా స్థాయి పదాధికారులతో సంస్థాగత సమావేశాల్లో పాల్గొంటారు. ఈ పర్యటనలో క్షేత్రస్థాయిలో పార్టీ కార్యకలాపాలు, ఎన్నికల సన్నద్ధత, సంస్థాగత బలోపేతంపై ప్రధానంగా దృష్టి సారించనున్నట్లు పార్టీ వర్గాలు తెలిపాయి.