రైల్వే కోడూరు ఎమ్మెల్యేపై ఆరోపణలు.. విచారణకు జనసేన కమిటీ ఏర్పాటు!

రైల్వే కోడూరు ఎమ్మెల్యే అరవ శ్రీధర్‌పై వచ్చిన ఆరోపణలపై విచారణ చేపట్టేందుకు జనసేన పార్టీ ముగ్గురు సభ్యులతో కూడిన విచారణ కమిటీని ఏర్పాటు చేసింది. పార్టీ కార్యవర్గ సమావేశంలో ఈ నిర్ణయం తీసుకున్నట్లు అధికారికంగా వెల్లడించింది.
ఎమ్మెల్యేపై వచ్చిన మహిళా ఆరోపణలతో పాటు ఇతర ఫిర్యాదులపై సమగ్రంగా విచారణ జరపాలని కమిటీకి ఆదేశాలు జారీ చేశారు. ఈ మేరకు అరవ శ్రీధర్ వారం రోజుల్లో కమిటీ ముందు హాజరై తన వివరణ ఇవ్వాలని జనసేన పార్టీ సూచించింది. కమిటీ నివేదిక ఆధారంగా తదుపరి చర్యలు తీసుకుంటామని పార్టీ నాయకత్వం స్పష్టం చేసింది.