సింగరేణి కార్మికులకు అన్యాయం జరుగుతోంది: కవిత

తెలంగాణ రక్షణసేన అధ్యక్షురాలు కవిత సింగరేణి కార్మికుల వారసత్వ ఉద్యోగాల విషయంలో ప్రభుత్వం అన్యాయం చేస్తోందని ఆరోపించారు. మంచిర్యాల జిల్లా మందమర్రిలోని కాసిపేట గనిపై ‘బొగ్గుబాయి బాట’ కార్యక్రమంలో భాగంగా నిర్వహించిన గేట్ మీటింగ్‌లో ఆమె మాట్లాడారు. సింగరేణి సంస్థ పరిరక్షణ, కార్మికుల హక్కుల రక్షణ కోసం తాము పోరాటం కొనసాగిస్తామని స్పష్టం చేశారు.

సింగరేణి సంస్థను కాపాడేందుకు టీఆర్‌ఎస్‌, హింద్ మజ్దూర్ సభ (హెచ్‌ఎంఎస్‌) కలిసి పనిచేస్తున్నాయని కవిత తెలిపారు. పాలసీలు రూపొందించాల్సిన ముఖ్యమంత్రి, ఉప ముఖ్యమంత్రులే అధికారులకు వినతిపత్రాలు ఇవ్వడం ద్వారా కార్మికులను మభ్యపెడుతున్నారని విమర్శించారు. సింగరేణి సంస్థను ప్రైవేటీకరించేందుకు కుట్రలు జరుగుతున్నాయని ఆరోపించిన ఆమె, అండర్‌గ్రౌండ్ గనుల పరిరక్షణ కోసం హెచ్‌ఎంఎస్‌తో కలిసి ఉద్యమాన్ని మరింత బలోపేతం చేస్తామని పేర్కొన్నారు.