సారంపల్లి మల్లారెడ్డి సేవలు చిరస్మరణీయం: హరీశ్ రావు

కమ్యూనిస్టు ఉద్యమంలో సీనియర్ నాయకుడిగా, రైతు సమస్యల పరిష్కారం కోసం నిరంతరం పోరాడిన రైతు సంఘం నాయకుడిగా సారంపల్లి మల్లారెడ్డి అందించిన సేవలు చిరస్మరణీయమని బీఆర్‌ఎస్ శాసనసభాపక్ష ఉపనేత హరీశ్ రావు అన్నారు. మల్లారెడ్డి మృతి పట్ల ఆయన తీవ్ర సంతాపం వ్యక్తం చేశారు. రైతుల హక్కులు, సంక్షేమం కోసం మల్లారెడ్డి జీవితాంతం చేసిన పోరాటం స్ఫూర్తిదాయకమని, ప్రజా ఉద్యమాల్లో ఆయన పోషించిన పాత్రను ఎప్పటికీ గుర్తుంచుకుంటామని హరీశ్ రావు పేర్కొన్నారు.

మల్లారెడ్డి కుటుంబ సభ్యులు, అభిమానులు, సహచరులకు హరీశ్ రావు ప్రగాఢ సానుభూతి తెలిపారు. రైతుల సమస్యలపై ఆయన చేసిన పోరాటం, ప్రజా ఉద్యమాలకు అందించిన సేవలు భవిష్యత్ తరాలకు స్ఫూర్తిగా నిలుస్తాయని అన్నారు. మల్లారెడ్డి ఆత్మకు శాంతి చేకూరాలని భగవంతుడిని ప్రార్థిస్తున్నట్లు హరీశ్ రావు తెలిపారు.