హసీనా రాకపై బంగ్లాదేశ్ కీలక ప్రకటన

భారత్‌లో ఉంటున్న బంగ్లాదేశ్ మాజీ ప్రధాని షేక్ హసీనా త్వరలో స్వదేశానికి తిరిగి వెళ్లే ఆలోచనలో ఉన్నట్లు ఇటీవల ఇచ్చిన ఇంటర్వ్యూల్లో తెలిపారు. దీనిపై స్పందించిన బంగ్లాదేశ్ న్యాయశాఖ మంత్రి అసదుజ్జమాన్ మాట్లాడుతూ, హసీనాకు స్వదేశానికి తిరిగి వచ్చే హక్కు ఉన్నప్పటికీ, ఆమె చేరుకున్న వెంటనే చట్టం కల్పించిన అధికారాల మేరకు అరెస్ట్ చేసే అవకాశం ఉందన్నారు. ఈ వ్యవహారంలో చట్ట ప్రకారమే చర్యలు తీసుకుంటామని, చట్టాన్ని ఉల్లంఘించేలా ఎలాంటి చర్యలు ఉండవని ఆయన స్పష్టం చేశారు.

హసీనా పాస్‌పోర్టు గత తాత్కాలిక ప్రభుత్వం రద్దు చేసిన నేపథ్యంలో ఆమె ఎలా తిరిగి వస్తారన్న ప్రశ్నకు అది ఆమె వ్యక్తిగత సమస్య అని మంత్రి వ్యాఖ్యానించారు. ఇదిలా ఉండగా, షేక్ హసీనా ఓ వార్తా సంస్థకు ఇచ్చిన ఇంటర్వ్యూలో తాను అరెస్టు కావొచ్చు, జైలుకు వెళ్లొచ్చు, మరణాన్ని కూడా ఎదుర్కోవాల్సి రావొచ్చని తెలిసినా స్వదేశానికి తప్పకుండా తిరిగి వెళ్తానని తెలిపారు. తన మద్దతుదారులు ఎదురుచూస్తున్నారని, తిరుగు ప్రయాణంపై వారితో సంప్రదింపులు కొనసాగుతున్నాయని వెల్లడించారు.