గోవా కాంగ్రెస్ యాత్రలో పాల్గొననున్న తెలంగాణ సీఎం రేవంత్ రెడ్డి

తెలంగాణ ముఖ్యమంత్రి రేవంత్ రెడ్డి గోవా పర్యటనకు బయలుదేరారు. గోవా కాంగ్రెస్ ఆధ్వర్యంలో నిర్వహిస్తున్న ‘గోయ్ రాఖోన్న్’ యాత్రలో భాగంగా ఈ సాయంత్రం ఆయన పాల్గొననున్నారు. చీఫ్టెన్స్ స్మారకం నుంచి కున్కోలిమ్ బస్టాండ్ వరకు జరిగే పాదయాత్రలో సీఎం పాల్గొని, అనంతరం నిర్వహించే బహిరంగ సభలో ప్రసంగించనున్నారు. ఈ కార్యక్రమాల అనంతరం రేవంత్ రెడ్డి రాత్రి గోవా నుంచి ఢిల్లీకి వెళ్లనున్నారు.

గోవా కాంగ్రెస్ గత నెల 22న పనాజీలో ప్రారంభించిన ‘గోయ్ రాఖోన్న్’ యాత్ర 27 రోజుల పాటు రాష్ట్రంలోని 40 నియోజకవర్గాలను కవర్ చేస్తూ కొనసాగుతోంది. ఈ యాత్ర అక్టోబర్ 18న ముగియనుంది. గోవా భూములు, పర్యావరణం, సంస్కృతి, వారసత్వం, స్థానిక గుర్తింపును పరిరక్షించడమే యాత్ర ప్రధాన లక్ష్యమని కాంగ్రెస్ నేతలు పేర్కొంటున్నారు. అధికార బీజేపీ ప్రభుత్వ విధానాలపై ప్రజల్లో అవగాహన కల్పించేందుకు ఈ కార్యక్రమాన్ని నిర్వహిస్తున్నట్లు గోవా కాంగ్రెస్ వెల్లడించింది.