అఖిలేష్ యాదవ్ కుమార్తెపై అసభ్య పోస్టులు.. కఠిన చర్యలకు సీఎం యోగి ఆదేశాలు

ఉత్తరప్రదేశ్ ముఖ్యమంత్రి యోగి ఆదిత్యనాథ్ సమాజ్‌వాదీ పార్టీ అధ్యక్షుడు, మాజీ ముఖ్యమంత్రి అఖిలేష్ యాదవ్ కుమార్తెపై సోషల్ మీడియాలో ప్రచారం అవుతున్న అసభ్యకర పోస్టులు, మార్ఫింగ్ చేసిన చిత్రాలను తీవ్రంగా ఖండించారు. ఈ ఘటనపై స్పందించిన ఆయన, నిందితులను గుర్తించి వెంటనే కఠిన చర్యలు తీసుకోవాలని పోలీసు అధికారులను ఆదేశించారు.

రాజకీయ విభేదాల కోసం నాయకుల కుటుంబ సభ్యులను లక్ష్యంగా చేసుకోవడం సరైన పద్ధతి కాదని యోగి ఆదిత్యనాథ్ పేర్కొన్నారు. ప్రతి ఇంట్లో కుమార్తెలు, సోదరీమణులు ఉంటారని, వారందరినీ గౌరవంతో చూడాలని సూచించారు. అఖిలేష్ యాదవ్ కుమార్తె కూడా తన కుమార్తెతో సమానమని పేర్కొన్న ఆయన, మహిళల గౌరవాన్ని దెబ్బతీసే వారిపై కఠిన చర్యలు తీసుకుంటామని స్పష్టం చేశారు.