నేడు బెంగళూరులో వైఎస్ జగన్ పర్యటన

వైఎస్సార్ కాంగ్రెస్ పార్టీ అధ్యక్షుడు, ఆంధ్రప్రదేశ్ మాజీ ముఖ్యమంత్రి వైఎస్ జగన్ మోహన్ రెడ్డి నేడు బెంగళూరులో పర్యటించనున్నారు. ఇటీవల అనంతపురం జిల్లా రాప్తాడులోని జిల్లా పరిషత్ ఉన్నత పాఠశాలలో జరిగిన దాడిలో తీవ్రంగా గాయపడిన పదో తరగతి విద్యార్థిని గోపికను ఆయన పరామర్శించనున్నారు. ప్రస్తుతం గోపిక బెంగళూరులోని మణిపాల్ ఆసుపత్రిలో చికిత్స పొందుతోంది.

నిర్ణయించిన షెడ్యూల్ ప్రకారం మధ్యాహ్నం 2.15 గంటలకు ఆసుపత్రికి చేరుకోనున్న వైఎస్ జగన్, గోపిక ఆరోగ్య పరిస్థితిని, ఆమెకు అందుతున్న వైద్య సేవల వివరాలను వైద్యులను అడిగి తెలుసుకోనున్నారు. అనంతరం విద్యార్థిని కుటుంబ సభ్యులను కలిసి పరామర్శించడంతో పాటు, వారికి ధైర్యం చెప్పనున్నారు.