తేజ సజ్జా హోస్ట్‌గా ‘ది ట్రైటర్స్‌’.. ఓటీటీలోకి సరికొత్త మైండ్‌ గేమ్‌ షో

బుల్లితెరపై ‘బిగ్‌బాస్‌’కు ఉన్న క్రేజ్‌ నేపథ్యంలో ఇప్పుడు ఓటీటీలో మరో ఆసక్తికరమైన రియాలిటీ షో సందడి చేయనుంది. ‘ది ట్రైటర్స్‌’ తెలుగు వెర్షన్‌ను అమెజాన్‌ ప్రైమ్‌ వీడియో అధికారికంగా ప్రకటించింది. ‘హనుమాన్‌’ ఫేమ్‌ యువ హీరో తేజ సజ్జా ఈ మైండ్‌ గేమ్‌ షోకు హోస్ట్‌గా వ్యవహరించనున్నారు. మొత్తం 20 మంది సెలబ్రిటీలు పాల్గొనే ఈ కార్యక్రమంలో నమ్మకం, వ్యూహాలు, మోసం, రహస్య పొత్తులు కీలకంగా సాగనున్నాయి.

‘ది ట్రైటర్స్‌’లో ఒకరిపై ఒకరు నమ్మకం ఉంచడం, అదే సమయంలో తమలో దాగి ఉన్న ట్రైటర్స్‌ను గుర్తించడం ప్రధాన గేమ్‌గా ఉంటుంది. రాజస్థాన్‌లోని జైసల్మేర్‌ సూర్యగఢ్‌ ప్యాలెస్‌ ఈ ఫార్మాట్‌కు ప్రధాన వేదికగా నిలుస్తోంది. హిందీ వెర్షన్‌ విజయవంతమైన నేపథ్యంలో తెలుగు అనుసరణపై ఆసక్తి నెలకొంది. షో విడుదల తేదీ, పాల్గొనే 20 మంది సెలబ్రిటీల వివరాలను మేకర్స్‌ అధికారికంగా వెల్లడించాల్సి ఉంది.