ముంబై నుంచి బెంగళూరుకు మారిన హార్దిక్ పాండ్యా

భారత ఆల్‌రౌండర్ హార్దిక్ పాండ్యా తన కెరీర్‌ను మరింత ముందుకు తీసుకెళ్లే కీలక నిర్ణయం తీసుకున్నారు. ముంబై నుంచి శాశ్వతంగా బెంగళూరుకు మారిపోయారు. లోయర్ పరెల్ నుంచి ట్రైనింగ్ సెంటర్లకు రోజూ ప్రయాణించడం అలసటగా మారడంతో ఈ నిర్ణయం తీసుకున్నట్లు తెలుస్తోంది. బెంగళూరు శివారులో నివాసం తీసుకున్న ఆయన, ఇకపై బీసీసీఐ సెంటర్ ఆఫ్ ఎక్సలెన్స్‌ను తన పూర్తి సమయ శిక్షణ, రిహాబిలిటేషన్ కేంద్రంగా ఉపయోగించనున్నారు. ఇలా సీ ఓ ఈను ఏడాది పొడవునా హై పెర్ఫార్మెన్స్ హబ్‌గా ఉపయోగిస్తున్న తొలి భారత క్రికెటర్‌గా పాండ్యా నిలిచారు.

ఈ మార్పుతో పాటు ఆయన కొత్త 12 కోట్ల ఫెరారీ 12సిలిండ్రి కూడా అందరి దృష్టిని ఆకర్షిస్తోంది. భారత్ టీ20 వరల్డ్ కప్ విజయం తర్వాత కొనుగోలు చేసిన ఈ లగ్జరీ కారు ఆకుపచ్చ రంగులో ప్రత్యేకంగా ఉంది. 819 హార్స్‌పవర్ వి12 ఇంజిన్‌తో ఈ కారు 2.9 సెకన్లలో 0 నుంచి 100 కి.మీ వేగాన్ని అందుకుంటుంది. ఇప్పుడు బెంగళూరులో స్థిరపడిన పాండ్యా, తన ప్రొఫెషనల్ శిక్షణతో పాటు లగ్జరీ లైఫ్‌స్టైల్‌తో కూడా నగరంలో ప్రత్యేక ఆకర్షణగా నిలవనున్నారు.