ఐపీఎల్ ముగిసింది.. ఇప్పుడు వరల్డ్ కప్‌ల సందడి మొదలు!

దాదాపు రెండు నెలల పాటు క్రికెట్ అభిమానులను అలరించిన ఐపీఎల్ ముగియడంతో ఇక వినోదం ఎక్కడ అనే ప్రశ్న చాలా మందిలో తలెత్తుతోంది. అయితే క్రీడాభిమానులకు జూన్ నెలలోనే రెండు భారీ ప్రపంచకప్ టోర్నీలు సిద్ధంగా ఉన్నాయి. జూన్ 11 నుంచి అమెరికా, కెనడా, మెక్సికో సంయుక్త ఆతిథ్యంలో ఫుట్‌బాల్ ప్రపంచకప్ ప్రారంభం కానుంది. మెస్సీ, రొనాల్డో, ఎంబాపె, నెయ్‌మర్ వంటి స్టార్ ఆటగాళ్ల ప్రదర్శన కోసం ప్రపంచవ్యాప్తంగా అభిమానులు ఆసక్తిగా ఎదురుచూస్తున్నారు.

ఇక క్రికెట్ అభిమానులకు కూడా సందడి తగ్గదు. జూన్ 12 నుంచి జూలై 5 వరకు ఇంగ్లాండ్ వేదికగా మహిళల టీ20 ప్రపంచకప్ జరగనుంది. ప్రపంచ టైటిల్ లక్ష్యంగా భారత మహిళల జట్టు బరిలోకి దిగుతోంది. అదే సమయంలో పురుషుల జట్టు జూన్ 13 నుంచి అఫ్గానిస్థాన్‌తో వన్డే సిరీస్, జూన్ 26 నుంచి ఐర్లాండ్‌తో టీ20 సిరీస్ ఆడనుంది. అనంతరం ఇంగ్లాండ్‌తో ఐదు టీ20ల సిరీస్ కూడా జరగనుంది. యువ సంచలనం వైభవ్ సూర్యవంశీ అరంగేట్రంపై కూడా అభిమానుల్లో భారీ ఆసక్తి నెలకొంది.