వైభవ్ సూర్యవంశీ ఎంపిక వివాదం.. రాజకీయ దుమారం

యువ క్రికెటర్ వైభవ్ సూర్యవంశీకి టీమిండియాలో అరంగేట్రం అవకాశం ఇవ్వకపోవడంపై వివాదం మరింత పెరిగింది. కెప్టెన్ శ్రేయస్ అయ్యర్, హెడ్ కోచ్ గౌతమ్ గంభీర్, జట్టు మేనేజ్‌మెంట్‌పై తీవ్ర విమర్శలు వచ్చాయి. సిరీస్‌లో అతను తప్పకుండా ఆడుతాడని భావించినప్పటికీ తుదిజట్టులో చోటు దక్కలేదు.

ఈ వివాదంలో కేంద్ర మంత్రి గిరిరాజ్ సింగ్ కూడా స్పందించి నిర్ణయంపై అసంతృప్తి వ్యక్తం చేశారు. దీనిపై శ్రేయస్ అయ్యర్ మాట్లాడుతూ సోషల్ మీడియా లేదా మీడియా ఒత్తిడికి తాను ప్రభావితం కాను అని స్పష్టం చేశాడు. జట్టు అవసరాలు, ఆటగాళ్ల ప్రదర్శన ఆధారంగానే నిర్ణయాలు తీసుకుంటామని తెలిపాడు.